كيكة محشوة بالتفاح والشوكلاط

مقادير الحشوة 

كنحتاجو 

4 تفاحات 

م ك القرفة 

نصف كاس سنيدة 

مقادير الحشوة 

كنحتاجو 

4 تفاحات 

م ك القرفة 

نصف كاس سنيدة 

نقيو التفاح ونقطعوه قطع متوسطة الحجم 

نديرو فوقها القرفة وسنيدة 

نخلطوه مزياااااااااااااااان ونتركه جانبا 

ندوزو لمقادير الكيك 

غدي نحتاجو 

3 بيضات كبار

كاس الحليب 

نصف كاس زيت 

نصف كاس الزبدة مدوبة 

كاس سنيدة 

2 كيسان ونصف حتى 3 كيسان الدقيق 

2 خمارات وفاني 

نصف كاس الكركاع مهرمش 

وشوكلاط مقطع قطع صغير او حبيبات الشوكلاط 

في الميكسور نديرو البيض وسنيدة ونخدموهم مزياااااااااااااااااان 

نزيدو باقي المقادير الزيت والزبدة والحليب والفاني بالتابع وحنا ديما مخدمين الميكسور 

نزيدو الطحين والخميرة ونخلطو غير بالسباتيل 

نزيدو الكركاع ونخلطو وهاهو خليط الكيك واجد 

شوفو خليط التفاح كولى سنيدة طلقات بحال السيرو 

في مول مدهون بالزبدة ومرشوش بالطحين انا درت ورق السولفيريزي نكبو خليط الكيك كله

نحاولو نفرقو فوقه خليط التفاح وحتى السيرو ديالو 

نديرو حبيبات او طريفات الشوكلاط من الفوق وندخلوها تطيب 

نزلوها فوق شي شبكة حتى تبرد ممكن نخليوها عادية منظرها زوين او نزينوها بلي بغينا 

انا زينتها بالشوكلاط ابيض دايب مخلط مع دانون طبيعي جا مداقها روعة 

وبالصحة والراحة

اللهم ادمها نعمة واحفظها من الزوال 

كيكة معلكة بتمر والكركاع والجزر

هدي واحد الكيكة كتجي معلكة وغزالة حتى في المداق 

المقادير غدي نحتاجو 

3 بيضات 

هدي واحد الكيكة كتجي معلكة وغزالة حتى في المداق 

المقادير غدي نحتاجو 

3 بيضات 

كاس سنيدة 

نصف كاس الزيت

دانون فاني

كاس الاربع الزبيب مرطب في الماء

كاس كركاع مهرمش

كاس التمر معجون ممكن تديريه حتى مقطع صغير

2 خمارات

1 فاني

2 م ك كاكاو

1 م ص سكنجبير طري محكوك 

2 خيزويات متوسطين ومحكوكين 

2 كيسان ونصف الدقيق ممكن اكثر على حساب الدقيق وحجم البيض

نغربلو الدقيق والكاكاو والخميرة 

نخدمو في الميكسور مع سنيدة والفاني 

نزيدو التمر ودانون وحنا ديما مخدمين الميكسور

ثم خيزو وسكنجبير 

نوقفو الميكسور ونزيدو خليط الدقيق وكاكاو 

نزيدو الزبيب 

نزيدو الكركاع مهرمش ونخلطو بملعقة خشب 

في مول مدهون ومرشوش بالكاكاو 

نكبو خليط الكيك 

ندخلوها تطيب 

نزلوها فوق شبكة ونخليوها تبرد

دابة ندوزو نوجدو باش نزينوها انا زينتها بالتوفي والتمر واللوز

التوفي كندبو كاس سنيدة ونزيدو عليها حك لاكريم فريش ونخليوها حتى تنسجم وتدوب

نزينو الكيك بالتمر بهد الشكل

ونكبو فوقها التوفي

ونزينوها برقاءق اللوز محمرين 

وبالصحة والراحة 

اللهم ادمها نعمة واحفظها من الزوال 

شليضة البطاطا بطريقتي

هدي شليضة بالبطاطا سهلة سريعة وبسيطة 

كنقطعو البطاطا مربعات متوسطة نديروها في الكوكوط 

نزيدو عليها شوية الزيت البلدية او الرومية قيمة 2م ك وشوية الملح والثومة غبرة انا استعملت ضامة الثومة وممكن تديري حتى ضريس الثومة شوية الكامون والسودانية الا بغيتي وشوية القزبور يابس واحد ربع كاس الماء فقط 

نخلطو كلشي مزيااااااااااااان نسدو عليه الكوكوط تقريبا واحد 7 الدقايق انا نخليها غير نبدى نشم شوية ريحة الحراق ماشي بزااااااف ههههه ونطفي عليها 

منحلوش عليها هديك الساعة نخليوها حتى تبرد تماما عاد نحلو عليها باش البطاطا مترونش وهاهي واجدة 

كتجي محمرة وبنينة 

وبالصحة والراحة 

اللهم ادمها نعمة واحفظها من الزوال 

بغريربدون تخمير

اليوم حبيت نشاركم بواحد البغرير كيجي غزال والاهم انو دغيا كيوجد وهو المعتمد عندي من سنين

غدي نحتاجو

3كيسان العنبة سميدة رقيقة

4كيسان العنبة الماء دافي غي شوية لانولكان سخون السميدة كتخسر

3الخمارات الحلوة

2ملاعق كبيرة فورص

1ملعقة صغيرة سنيدة

شوية الملح 

كنخدمو المقادير مزيان في الخلاط اكهربائي 

ونديرو المقلة تسخن نكبو البغريرفي شي اناء ونبداو نطيبوه مباشرة 

كيجي مثقب وغزال والاهم انو ساهل في التحضير

بالصحة والراحة

السفة المدفونة روعة في المداق

السلام عليكم 

اليوم درت واحد السفة شفتها دارتها واحد الضيفة ديال شميسة وجات روعة وقلت نشارك بها حتى الحبيبات ديال المنتدى الغالي نفيدهم كيفما استفدت الكثير منهم 

انا صورت غير المهم 

اولا كناخدو الدجاج نصبوه عادي كنظن الانيقات كلهم عارفين نشلضو البصلة الزيت الدجاج ونديرو العطرية البزار سكنجبير الخرقوم البلدي الزعفران شعرة عويدات القرفة شوية السمن الربيع نقليوه مزيان ونرويوه ونخليوه يطيب مني يطيب نزولوه من المرق ونخليو المرق حتى يشرب ونحصلو على دغميرة واقفة 

الدجاج نزولو ليه العضام ديالو بحال لغدي نديروه في بسطيلة كما في الصورة

كناخدو شوية البرقوق والمشماش يابسين والزبيب نغسلوهم ونفوروهم في الكسكاس حتى يطيبو ونقطعو كل من المشماش والبرقوق طريفات صغار كما في الصورة

ناخدو شوية اللوزمصلوق ومقلي نهرمشوه وحتى شوية الكركاع نخليو شوية باش نزينو 

الشعرية ديال السفة حتى هي ندهنوها بالزيت ونفوروها انا كنفورها 3 مرات وكل مرة نخوي عليها الماء طايب ومملح في الاخير كندير ليها شوية الزبدة والعسل كتجي غزالة احسن من سكر كلاصي 

دابة ندوزو المونطاج ههههه

كنديرو طبقة ديال السفة من بعد طبقة ديال الدجاج 

نكبو عليها الدغميرة من الفوق

نكملو الموضوع 

من بعد كنديرو بالتتالي البرقوق اللوز المشماش الكركاع ومن بعد شوية الزبيب ونخليو باش نزين 

ونغطيوها بباقي السفة ونزوقوها حسب الدوق 

كنقدموها بالحليب منسم بماء الزهر وبالصحة والراحة 

نتمنى تعجبكم