السلام عليكم الوصفة ديال اليوم اروع ما يكون من مطبخ مفيدة الفريدة
هدي طريقة زوينة لتحضير طويحنات الغنمي كيجيو لداد بزاف
اول حاجة نحتاجو تحضير الحشوة
الكفتة
نزيدو عليها شوية الشحمة محكوكة
نزيدو الحامض المصير والزيتون مقطعين طريفات
نزيدو العطرية القزبور اليابس التحميرة الكامون السودانية والقليل من الملح لان الحامض والزيتون مالحين
نزيدو الربيع والصلة محكوكة نخلطو كلشي مزياااااااااان ونعمرو بيها الطواحن انا استعملت الدواز باش تجيني ساهلة
نسدوه بعود الاسنان في طنجرة نديرو البصلة مع القليل من زيت العود
نديرو الطواحن فوقها ونخليوها تطيب وغير يتنفخو نتقبوهم باش تنزل العصارة ديالهم في المرق
نزولوهم من المرق ونديروهم في شي طاوة وندخلوهم يتحمرو شوية
المرق لبقى نخليوه حتى يتشرب ونزيدو الزيتون والمصير
نزلو الطويحنات في صحن ونديرو المريقة في الجناب
وبالصحة والراحة
0 التعليقات: