كعيكعات هشاش على دوقكن

اخواتي هاد لحليوة عزيزة على دراري صغار كتجي لديدة وهشيشة 

المقادير كالتالي 

250 غ زبدة مكدور 

كاس ونصف سكر كلاصي 

واحد دانون فريز 

1 خمارة حمراء 

4 معالق مايزينا -اختياري-

الدقيق حسب الخليط غير تشد راسها وما تبقاش تلصق 

نخلطو كامل المكونات ونحربلو كعيكعات صغار بزاف ونحطوهم في مول مدهون ومرشوش وطيب في فرن ساخن وناقص وتتفند في سكر كلاصي مخلط مع واحد خنيشة فاني 

وبالصحة والراحة

 وشي دعيوات الخير لوليدااتي بالصلاح والفلاح

مثلثاث لذيذة للمناسبات

هاد الحلوة كتعجبني بزاف و في اي مناسبه كنصاوبها...كنت لقيتها في شي كتاب ديال الحلويات..زمان

المقادير 

500 غ جنجلان محمر ومهرفش

500 غ لوزمحمر ومهرفش

500غ زبدة

كاسان سكر كلاصي 

كاس زيت 

خمارة واحدة

4 معالق ماء الزهر 

نصف ملعقة قرفة 

شوية كوزة

الطحين حسب الحاجة

السكر للتفنيد

الطريقة نحك الزبدة مع السكر والزيت ونضيف كل المقادير كالعادة بالتدريج حتى الحصول على عجينة متماسكة ...نكرسها بالدلاك او براحة اليد ونعمل منها مثلثات على هدا الشكل

بعد نضجها نفندها في السكر كلاصي .. 

هاد المقدار كيخرج صحن كبير عامر 

غريبة بحال ديال الزنقة

هاد لغريبة كتجي بحال لي كتتباع برا بنينة وهشيشة وساهلة جدا 

سمحولي مصورتش المقادير 

المقادير 

3كيسان العنبة زيت

2 كيسان العنبة سكر كلاصي 

250 غ قوقاو محمر ومطحون بقشوره 

2 خمارات 

دقيق وما تهز انا هزاتلي 900 غ 

قرفة للتزين 

الطريقة تحكي الزيت والسكر مزيان اضيفي القوقاو المطحون ثم الدقيق والخمارات بجوج وجمعيها غدي تحصلي على عجينة بحال هادي

دسير بالفواكه وصوص بالحامض او البرتقال

المقادير 

فواكه مشكلة ( بنان وبوعويد) ممكن استعمال اي نوع فواكه تفظلين او اظافة تفاح 

عصير نصف حامض +ربع كاس عصير البرتقال 

صوص الحامض 

نصف كاس عصير يرتقال ممكن استعمال عصير حامضة فقط 

50 غرام زبدة 

بيضة 

كاس معامرش سكر 

قشور الحامض 

الطريقة 

قطعي الفواكه وخلطيها مع عصير الحامضة والبرتقال باش ما تكحالش 

احتفظي بهم جانبا 

في كسرونة خلطي باقي المقادير لي هي البيضة والعصير والسكر والزبدة حركي ورجعيها فوق النار حتى الغليان 

حركي مزيان وخليها تبرد حتى حين الاستعمال 

صفي الفواكه في كؤوس وصبي عليها الصوص او ممكن تعملي طبقات زينيها باي طريقة تفظلين اختي

هنا استعملت كريم كريم موسلين منسمة بالنسكافي

ملاحظة 

الصوص تجي شوية خفيفة وهدا سر لدتها الا بغيتيها واقفة زيدي معلقة صغيرة نشا ولكن منصحكش الصوص كيتبدل ليها المداق 50 في المئة 

دناب خاثر برايبي وبكمية عائلية

اولا سر نجاح هاد الوصفة اخواتي هو التلماط مزيان بمعنى تغطي الرايب مزيان باش يبقى محافظ على الحرارة ودغيا يخمر 

المقادير 

لتر ماء ساخن 

لتر ماء بارد 

لتر حليب دافئ

2 رايبي ممكن تعوضيهم بدانون يومي 

2 فاني 

200غ حليب غبرة 

زلافة سنيدة 

الطريقة 

في مولنكس نضربو الماء البارد مع حليب الغبرة ورايبي والفاني 

في كاسرونة نسخن لتر الماء الباقي مع سنيدة 

نجمع الخليطين في اناء كبير ونزيد الحليب الدافء 

نخلط مزيان ونسد عليهم في قارورات ونلمطهم مزيان ونليهم يباتو ليلة وندخلهم للثلاجة 

غدي نحصلو على داناب خاثر مزيان ولديد وكمية تشربي نتي والعائلة والجيران الا بغيتي ههه

دسير الزمن الجميل

السلام عليكم اخواتي شكون فيكم ما زال تتفكرهاد الدسير ومزال توجدو لعائلتها مرة مرة باش تسترجع الدكريات الجميلة ..فعلا هدا دسير طفولتنا ومراهقتنا وشبابنا علاش لا..وانشاء الله يبقا دكرى خالدة وجميلة للزمن الجميل اللي كاملات نحنو لايامو.... كلشي كان فيه ساهل وفيه البر كة ..

المقادير عينك ميزانك والا بغيتي التحديد 

بر تقالة لجوج خيزوات 

سكر حسب الدوق 

ملعقة صغير ة ماء الزهر انا استعملت الزا مكانش متوفر عندي 

رشة قر فة 

الطر يقة خدي خيزو حكيه في حكاكة ر قيقة من الافضل 

صبي عليه البر تقال لي عصر تيه وحطي السكر وماء زهر الا تحبيه طبعا 

خلطي كلشي وحطي في زليفات وتبردي ليا مع ر اسك غدي تلقاي ر اسك مرتاحة وكتموسقي هههه 

تابعن معي المر احل بالصور 

طورطية بالبطاطا اسهل ما يكون

السلام عليكم ورحمة الله تعالى 

عزيزاتي اتمناكم بخير 

هاد الطورطية اسهل منها مكاين 

المقادير 

2 حبات بطاطس مقطعة مربعات 

بصلة ما بين صغيرة او متوسطة مقطعة رقيقة 

نصف كاس زيت رومية 

مقلة متلصقش ههه

ملح طبعا وابزار او كمون حسب لي يعجبك اكثر 

3 بيضات 

الطريقة 

حطي البطاطا والبصل والملح والزيت في مقلة غير لاصقة وحركي مرة مرة وحاولي تخلي المقلة مغطات باش يرجع الصهد عليهم وطيب دغيا ..راه ما تاخدش الوقت بزاف ربع ساعة مع التحريك او 20 دقيقة الا كانت الكمية كثيرة 

وباش تعرفي طابت دوقيها او دخلي الموس في قطعة ديال البطاطا غدي تعرفي فاش طيب رشيها بابزار او كمون وضربي البيض مع شوية ملحة وخلطي الجميع ورجعي للمقلة وخليها طيب على نار مهيلة على الوجه الاول ثم قلبيها على الوجه التاني ..او ممكن تحركي الخليط بلا ما تاخد شكل طورطية كتجي زوينة حتى هي 

محشي الكرعة او الكرعة معمرة في الفران

السلام عليكم

اليوم وجدت هاد شهيوة وقلت نفيدكم بيها وخا كلكم تعرفو تصاوبوها...الصراحة هاد الطريقة ديال الفران تجي غزالة المداق كيجي مغاير على لي طايبة في الطاجين 

المقادير 

كرعة خضراء حسب الحاجة 

كفتة ديال البقر ي انا طحنت لحم البقري 

معدنوس وتوابل ملح وتحميرة وكمون وشويش خرقوم وزيت الزيتون 3 معالق 

اصفر بيضة 

خلطي الكل مزيان وعمري لكريعات لي تكوني خويتيهم من قبل 

خلي لكريعات جانبا في المول وسيري وجدي الصوص لي غدي يطيبو فيها 

خديت بصلة مشلظة +الكرعة لي حيدناها من داخل الكرعات لي خوينا باش حتى حاجة ما ضيع +ملح وابزار وزيت شحر يهم مزيان وطفي البوطة وحكي شوية زعتر 

زيدي نصف معلقة ماطيشا ديال الحك ونصف كاس ماء فاش الطيب لكريعة 

صبي الخليط في المول فوق الكرعة المعمرة ودخليه للفران 

رافقتو مع ارز بطريقتي 

تابعي معي المراحل اختي المهتمة